حظك اليوم الاربعاء 19/01/2022

الحمل♈
مهنياً: القمر في برج الاسد ،يوم عندك انفراج وتحسن وتغيرات جديدة لصالحك بعد توتر وسوء تفاهم وضغوطات عم تتحسن امورك والحظ عم يكون معك يوم فيه خبر بريحك ،عندك طاقة كبيرة عم تتمتع فيها ،اتصال وتواصل وناس حدك وعزيمة ، يوم ممكن تحصل فيه على مبلغ مالي وعم تهتم لامور الابناء او الاطفال أكتر ،يوم عم تاخد طاقة منهن ..للبعض مصاريف مالية على الإنجاب ،يوم فيه تنقلات كتير واتصالات وخبر يخص شخص مقرب ، يوم فيه مصاريف مالية على حاجيات ومستلزمات

عاطفياً: يوم جيد لتصلح الامور وتفكر بحب جديد يريحك بدل ما يتعبك ..استغل الفرص على الصعيد العاطفي ..يوم حلو وإيجابي وتحسن بوضعك مع الشريك الحالي او عودة شخص قديم ..وقدر الإمكان استغل يومك بالقاءات او اتصالات لتعزز وضعك العاطفي علاقات عم تكبر وبداية لإعجاب جديد ، واستفادة من الطرف الآخر

صحياً:لا تخلي الاوهام تسبب وضع صحي وخفف تفكير والبعض بزور طبيب او مشفى ..

الثور♉

مهنياً:القمر بالاسد ما زالت القصص العائلية والعقارية عم تشغلك بيومك ،اخبار إيجابية وحدث مفاجئ يومك بحاجة للمسايرة وتخفف عنك الضغوط العائلية والمسؤوليات ،في اتصالات كتير بالعائلة وماعم تعرف مين تراضي يومك بحاجة للارادة لتخلص من بعض الضغوط العائلية ضمن البيت وبرا البيت ..كون دبلوماسي وريح راسك ،ووضعك بيتحسن تدريجيا، انتقال لمكان جديد او لقاء ،استفادة من شريك ،أجواء حلوة بمشوار او سهرة ..

عاطفياً: لا تخلي شي يأثر على علاقتك مع الشريك ،حتى ما توقع بمشاكل بالوقت الحالي انت بالغنى عنها ،يوم لازم توضع حد لعلاقاتك وهاد الشي لازم تستعجل فيه قدر الامكان اصبر بفترة نهارك لانو في تحسن وتطور بفترة المسا ،واتصالات ولقاءات طويلة وكلام بأمر مهم وخبر بخص شريك او ممكن يوصلك شي منو ..

صحياً:اذا في وعكة خفيفة مو غلط تشوف اخصائي او صيدلاني وعم تهتم لوضع صحي عائلي .

الجوزاء♊

مهنياً:القمر بالاسد يوم إيجابي تطورات جديدة اتصالات ولقاءات وامورك افضل وعم تكون محط إعجاب الكتار .. تلفونك ماعم يهدا وعم تكون واضح وصريح بتصرفاتك وعم تبدا تتحرر من قيود وعم تعطي رأيك بشكل صريح يوم فيه ناس جديدة تواصل عم يكبر وقصص مالية بيومك واخبار بتخص شغلك .. عم تحل مشاكل وشعبيتك بتزيد وبالأخص من محيطك يوم داعم لتغيرات شخصية وتعارف باشخاص جديدة .. اختبار بوضعك وقصة سيارة او موبايل وقرار مهم انتبه من الاعطال الكهربائية والالكترونية والمسا امور عائلية عندك ..

عاطفياً: شوي هدوء ودبلوماسية والامور بتكون منيحة ،الاعزب في تطورات بعلاقاتك والمرتبط قصص عائلية بتشغلك المسا ، يوم لازم تستغلو بلقاءات واتصالات ولازم تكون مقنع بكلامك وتصرفاتك ،وعم تقضي وقت على مواقع التواصل الاجتماعي إما مع شخص جديد او الشريك الحالي ،لازم تفكر بمستقبلك اكتر ،وتعطي اهتمامك لشريك وتنتبه من اي سوء تفاهم بيومك وبالأخص فترة المسا ،البعض عودة تواصل من جديد بعد جفا او توتر ،وممكن تتلقى دعم او مساعدة من الشريك

صحياً:في قصة صحية بيومك الك او لحدا بالعيلة ولا تشتغل شغل مو شغلك وتسبب لحالك تعب عضلي وتشنجات ..

السرطان♋

مهنياً:القمر بالأسد يومك مالي تدريجيا في اخبار حلوة لازم تكون دقيق بامورك المالية ومصاريفك على اشيا طارئة او التزامات ،ممكن تسدد بعض الترتيبات ، ضب إيدك قدر المستطاع بيومك ولازم تعيد تقيم الوضع من جديد بلاخص مالياً ..حاول ما تعطي كلمة او تحسم امورك المالية من دون التأكد من نتائج ،يوم فيه علاقات كتير تواصل واتصالات وناس صرلك فترة ما شفتهم او تواصلت معهم ، واخبار إيجابية الك أو لأخ ،وممكن تتلقى دعم او مساعدة من شخص ،الفترة القادمة مهمة للأوراق

عاطفياً: حاول تكون هادئ بيومك ولا تكبر القصص ، علاقات عم تاخد منحى آخر ،انتبه لاسرارك وغيرة بيومك .. حاول تهدي بنهارك عم يكون عندك شوي ضبابية وماعم تقدر تبادر وكون بعيد عن نقاشات فترة النهار وبالاخص يلي الوضع مع الشريك متعب ..لازم تبدا تنتبه لامورك العاطفية من فترة المسا وتقوي علاقتك مع الشريك وزيد من مشاعرك أتجاهو ،عزز وضعك اكتر والثقة بينك وببنو وحاول ما تسمح لأي حدا يدخل بينك وبين الشريك وبالأخص بعض الاشخاص ألي عم تصطاد بالماء العكر . المسا فيه اتصالات ولقاءات واجواء حميمية وتحسن بوضعك

صحياً:شوية ارهاق وتعب وفي كسل ونوم زيادة ولازم تغير جو بمكان بترتاح في ..

الأسد♌

مهنياً:القمر ببرجك يوم إيجابي داعم بالحظ والطاقة بعد توتر وضيق وامورك عم تكون افضل ، نشاطات جديدة بيومك وتنقلات عم تتجاوز عراقيل وضغوطات يلي مريت فيها بوقت سابق ،يوم فيه تطورات على صعيد اللقاءات والاتصالات مع ناس بتحبها ومع محيطك العائلي ،يوم عم يكون عندك شعبية وعزائم وعم تحقق مكسب مادي أو معنوي ،يوم إيجابي بيحمل مفاجآت حلوة وطاقتك عم تزيد بس انتبه من الكلام ونفاق بعض الاشخاص بضهرك .

عاطفياً: عم تتفائل بيوم مدعوم فيه عاطفيا ،اجواء حلوة بتعزز علاقتك رغم فيه نقاشات وعتب الا انو الامور بتنحل والشريك عم يتفهم وضعك رغم كلشي صار من ضغوط وعراقيل .. في ترتيبات جديدة بوضعك ،يوم لازم تكون فيه الصراحة موجودة وبالاخص يلي علاقتو متوترة حتى يتخلص من التوتر والمشاكل بالاخص المتزوج شوي هدوء لتعرف شوبدك وتحط النقاط على الحروف بعلاقتك مع الشريك ، ممكن تبدا ارتباط جديد يلي قلبو خالي من الحب ....

صحياً:جو عم يأثر فيك لهيك تنقلات كتيرة هاليوم ممكن تسبب بتعب صحي واحذر من الطقس والاماكن الي فيا رطوبة كتير ..

العذراء♍

مهنياً:القمر بالاسد يومك بحاجة لدبلوماسية حتى تعرف كيف تتصرف مع الكل ،عندك تعب وجهد ولازم تكون رواق حتى ما تاجل او تتاخر عن شي ،وما تعطي الثقة لحدا ،يوم مطلوب منك تثبت جدارتك وتنتبه لبعض العلاقات مع المقربين بالعمل حاول قدر الامكان تخلص التزاماتك بالبيت او برا .. وانفراج بقصة تعبتك بتخص حدا بالعائلة او اخ ..علاقات اجتماعية كتيرة ، وتواصل بشكل كبير

عاطفياً: وضعك عم يتحسن بس مطلوب منك تكون رواق وهادئ وما تعير اهتمام لبعض الكلام يلي عم يشغل تفكيرك ..حاول لاتكون متشائم بيومك وكلشي بيتغير .. نفسيتك بتتحسن رغم الضبابية والحيرة يلي عم تكون بيومك .. المتزوج يوم عم تعزز فيه علاقتك مع الشريك وتحسن وضعك وممكن تعمل معو شيء جديد مشوار او زيارة ، لازم تزيد المشاعر اكتر ولا تفكر لقدام كتير وترفع منسوب العاطفة وتزيد الثقة ،تحسن تدريجيا عم يبدأ

صحياً:مشاكل بلاسنان وجع ويمكن تزور طبيب وحاول تخفف اكل الحلو ..

الميزان♎

مهنياً:القمر بالأسد اجواء حلوة بيومك دعم ومساعدة وأصدقاء وخبر حلو او مفاجأة ، يوم جيد لتقضي اوقات حلوة مع ناس بتحبهم او شخص غالي عليك .. علاقات اجتماعية بتزيد وفي تنقل قصير او سفر .. حب ومغامرة وعزائم ولمة حلوة وموضوع مالي من الممكن يشغلك او تحكي فيه ،اذا بحاجة لاي دعم او مساعدة بامكانك تطلب . البعض ممكن يبدا شيء جديد بحياتو بشكل تدريجي ،يوم لتواصل والعلاقات وعزائم او قصص الاطفال .

عاطفياً: يوم ايجابي تحسن بوضعك وممكن عودة علاقة او تطور بعلاقة أخرى ، لازم تبادر ببومك ولا تكبر القصص وتلاقي حلول مشتركة واتفاق وعقد جديد ،الك فترة ماعم تعرف شو بدك وماكان فيه اهتمام والشريك مشغول عنك ،بامكانك تحط النقاط على الحروف وتفكر منيح وتحقق مكاسب عاطفية وتجيب الشريك لصفك ،يوم فيه علاقات سرية او حميمية ولقاءات والبعض انتبه من امور الغيرة وما دقق على تفاصيل صغيرة لان ممكن تكون سبب لمشكلة بفترة المسا ..

صحياً:انتبه على رشاقة جسمك والحسد الي ممكن يأثر فيك ويسبب تعب وخمول وحساسية وبلا عصبية بهاليوم ..

العقرب♏

مهنياً: اخبار بتخص شغلك او مكان عملك وعلاقات اجتماعية عم تتلقى دعم ومساعدة من اشخاص حواليك واخبار حلوة بشكل تدريجي ..عيد حساباتك ببعض النقاط يلي بتخص شغلك وانتبه من بعض الاشخاص المقربة يلي ناطرتك غلى دقرة او عم تسمع حكي مو منيح بحقك ..حاول تكون بعيد عن اي نقاشات مو منها نتيجة وتركز على صحتك اكتر ،وخبر بخص أخ او شخص كبير بالعمر من العائلة ،يوم فيه علاقات اجتماعية وعائلية زيارات وتنقلات ،حاول لاتتسرع بشيء ،ضب ايدك على مصاريفك يوم وبيمرق واخبار حلوة رح تسمعها ..

عاطفياً:يوم جيد عاطفياً علاقات كتيرة في قصص رح تاخد وقت منك والحلول رح تبدا المسا او اتفاق ممكن شخص يدخل لحياتك من جديد المهم تحاول تفصل بين علاقاتك العاطفية ومشاكلك الآخرى ،حاول لاتتردد واحسب حساب لمصالحك الشخصية قبل كلشي لازم تتقرب من الشريك ولا تستعجل بشي ،فترة ورح تبدأ تحقق غاية او امر مهم على الصعيد العاطفي ،البعض عم يرتب للقاء او اتصال وممكن يدخل علاقات سرية ..

صحياً:طبعك مو متحمل حدا في عصبية زايدة ونرفزة والبعض بعاني من التهابات وحساسية ..

القوس♐

مهنياً:القمر بالأسد يومك فيه اخبار حلوة ،تنقلات او سفر تواصل وشغل والتزامات ،عم يكون في عندك اهتمامات صحية عم تتواصل مع اشخاص كتيرة او بعيدة عنك ، يوم إيجابي في حظ وطاقة عم يكون عندك نجاح او تحرر اكتر من بعض القيود او الضغوطات عم ترتب امور جديدة وتدعم مصالحك ، في شيء جديد بيومك عزيمة او خبر يخص دراسة او قرار مهم ،عم تحضر لاختبار او امتحان وشيء يخص امور عقارية ،ولازم تنتبه من بعض الاعطال والحوادث

عاطفياً: يوم فيه اوقات حلوة واتصالات طويلة وعلاقات عم تتطور ،شوي تنازل ودبلوماسية بيومك بتكون امورك بخير ،حاول لا تخلي حدا يدخل بوضعك حتى ما يسبب الك اي توتر ..حاول تكون ايجابي ومبادر واعطي اهتمام لتحسن واقع العلاقة اكتر ، الحظ معك ولا تخاف على وضعك عم تكون محط انظار وجذاب وساحر بيومك ،التواصل مع شخص مهم من داخل عملك ،البعض فكر كيف تتخلص من الماضي ولا تعطي اهتمام لاشخاص قديمة ولازم تفكر بارتباط جديدة بكون افضل الك

صحياً:استغل طاقتك لتحسن وضعك صحي ولترتاح من وضعي نفسي وصحي ويفضل تأجيل السفر اذا عندك ..

الجدي♑

مهنياً: القمر بالاسد بعدها الامور المالية عم تشغلك واشخاص عم ترجع تحاكيك واخبار جيدة بشكل تدريجي ..بتعيد حساباتك بامور مالية وتحل قصة تعبتك وبترتاح نفسيا وعندك فرصة او خيارات اوسع .. عم تكتر الاتصالات والعلاقات وممكن تفكر بسفر الك او لشخص مقرب .. عم تتحسن امورك العائلية وعم تتواصل مع اشخاص كتيرة .. قتصة بتخص عقار او ورقة مهمة ورح ترتاح من الضغوط العائلية ،ممكن في عرض جديد لشغل او من الممكن يوصلك مبلغ مالي هاليومين .. احسب حساب شو الك وشو عليك وضب ايدك على مصاريفك .. وشيء بخص الابناء او الاطفال وتدريجي امورك من المسا افضل ..

عاطفياً: اتصالات وتواصل خليك هادئ شوي بنهارك ولا تخلي البرود او الفتور يأثر على وضعك ترتيبات جديدة وعم تخطط للقاء مهم وبالاخص الاعزب ، المتزوج لازم تستغل استقرار وضعك العاطفي لتحسن امورك بالفترة القادمة حاول تقرر مجرى حياتك وتحدد طموحاتك المستقبلية وفرصة حتى يصير مصالحة عند البعض ، المرتبط بحاجة لخطوة ايجابية اكتر وتعيد حساباتك من جديد وتركز على الثقة اكتر بالفترة القادمة

صحياً:عم تعاني من مشاكل هضمية وصداع واسفل الظهر والبعض مشاكل جنسية .

الدلو♒

مهنياً:القمر بالاسد لا تخلي حدا يستفزك ولا تعطي اهتمام لكلام البعض لان في اشخاص عم تحاول تزعجك . يوم فيه اتصالات ونقاشات وبدك لتطلع وضعك ..حاول تنتبه من المشاكل والمواجهات ولاتخلي نقاشات تطور ليصير في زعل او توتر ببعض الشراكات او علاقاتك مع الاشخاص ..كون بعيد عن العصبية قدر المستطاع ..بعدو الضغط العائلي موجود وقصص البيت ماعم تخلص وبتحس كل يوم في دقرة او توتر من حدا .. يوم في قصص مالية بتشغلك واخبار مالية هاليومين ، واي شيء بخص الامور المالية بإمكانك تعملو بعد هاليوم ،

عاطفياً: يوم فيه امور عاطفية منيحة للبعض عم يكون في روتين جديد وتطور بحياتك العاطفية وبعلاقاتك .. المهم تكون دبلوماسي وبعيد عن نقاشات الطويلة مع الشريك ،كون جريء اكتر وبلا ما تكبر القصص ،حاول يمرق نهارك على خير ولا تكون مزاجي بيومك ،بعرف انو عندك شوي عصبية وتوتر عم يسيطر على الوضع ومافي رضى عنو بشكل عام المتزوج لازم كتير تهدي الوضع مع الشريك والمرتبط شوي شوي بتتحسن امورك والاعزب خبر منيح واعجاب من شخص

صحياً:عم تعاني مشاكل بالجسم وخمول وارهاق والبعض التهابات وكريب .

الحوت♓

مهنياً:القمر بالاسد يوم فيه التزامات وفايق بكير وعم تزيد عليك مسؤوليات جديدة وناس كتيرة وبعرف مدايق من هالوضع .. تلفونات ماعم يهدأ وعم تجهز لشيء عاطفي يوم مو كتير مرتاح فيه ومانك على بعضك .. ممكن تتلقى عرض او اقتراح جديد قدر الامكان حاول تكون حذر من بعض الاشخاص يلي ما بتردلك الخير او من تحت لتحت ناويين الك على مشكلة ، يوم لازم تخلص التزاماتك بكير وترتب امورك اكتر ، فرصة لشغل او شراكة ولقاء واتصال وممكن سفر او مشوار قريب ..

عاطفياً: يوم لازم تنتبه فيه منيح على وضعك وتحسبها صح واي شيء بخص الاتصالات والقاءات لازم تنتبه منو وبالاخص علاقات المصالح واشخاص منافقة ،لاتفقد الامل ولا تخلي القلق يسيطر على وضعك العاطفي ،عم تفكر تتحرر وتطلع من وضعك بشكل اكتر في امور ماعم تقدر تنساها وشاغلة بالك ،صدفة او من الممكن تطور علاقة بشخص بالإيام القادمة ،المرتبط من الممكن يصير مصالحة المسا او تطور بالوضع العام لشريك ،المتزوج في إهمال بالوضع العاطفي مع شريك وهاد الشي عم يدفعك لارتكاب امور اخرى خارجة عن سيطرة حاول تحسب حساب لاي خطوة قادمة ولا تتهور حتى ما تتعرض لاستغلال

صحياً:بتفكر تعمل شي صحي وتغيير بشكل او هواية جديدة والبعض عندو صداع وضغط عم يسبب تعب وارهاق ..